Ciwan e Azad e

Ciwane azade, jibanê bejna wî hinda bi min şêrîne
Pîroz bî xemla wî, zavye xêlê wî evîndar û perîne
Helbet û tîlî tewînê nay û def, spas û aferîne
Al al û binefşin beybûn û bêhna xweş kulîlk û gulbarîne
Şalûl û zerîle, tivîlîk û şahînî ji keyFa dil firîne
Stêr û xetîre, tîrêj û qozqer, kesk û zer û xemrîne
Şiyarbûm konê reş xuya kir hey hewar herim qîr û girîne
Winda bû,bela bû, nabînim, kanî ew dilo peykev werîne
Hejandim revandim, jana dil, derban û birîna min birîne
Mihra wî, bêhna wî, reş tozin, têne dil, birûskê agirîne
Efxanim, ranazim, şevê reş nabûrim, xelas nabin çi rîne
Seqlanim, şetyanim, dibim ger, ez behrim, şîpêl li min gîrîne
Çima hat, çima çû, hê zûbû, kî zanê xewnê şeva borîne
Kanî ew ka yê dî, yê dî tir, winda bûn, bê şûn û bê serîne
Dinyaye, leylane, me xape bawerke hin dî saxin mirîne
Yezdane, tenê her, ew zanî hew bêje bêhna fire zêrîne