Ba Hemû Cutyar û Pale û Rencberan

Ba hemû cutyar û pale û rencberan
Yekgirin ta debine hêz û piştiwan

Helgirin yek ser diruşmî hawbeşî
Bê ciyawazî le ser remz û nîşan

Helgirin paç û çek û bêll û qelem
Her le roşinbîr heta şiwan û sepan

Kakî kolak des lê gerden helbesê
Ta billên ha, yekêtî destî şikan

Erz û aw bo çînî cutyarî hejar
Berhemî noş ka wekû noşî giyan

Êwe şorrişgêr bin pêşrewtan heye
Yekêtî çen koşkî şahaney riman

Komelî sosyalîzm bunyad binên
Ta wekû bibine nimûne bo cîhan

Qed le barût û gule û şestîr û xwên
Sill neken, ta eçine hewargey gelan

Êwe binçîne û binaxey komelin
Nezrî şanî êwe ye erkî jiyan

Têxroşîn, têbikoşîn, kol neden
Ta be zor bîhênine des mafî rewan

Nûkî paç û birî wird û hêzî leş
Bibine burkanêk le giyanî dujminan