Kilamek Bo Keçeke Qemer

Li Dixieyê, li ser rêya li binîya Başûr
(Dil li min dibe dêran)
Dardakirine delala min a ciwan a qemer
Li dareke li ser xaçerêya wêran.

Li Dixieyê, li ser rêya li binîya Başûr
(Bedena bi kul û birîn rakirine hewayê)
Min pirsî ji Îsayê spî yê Mîr
Sûde çi bû ji nîyaz û duayê.

Li Dixieyê, li ser rêya li binîya Başûr
(Dilê min ranagirê)
Hezkirin sîyeke destevala ye
Li ser dareke rût û girêgirê.

Wergêr: Kawa Nemir