Efendî

Amîdî ser a tîj
çewlîgî ser a mij
Destanî mi tepîş
Xezalî geman
Delalî çeman
Efendî!

Dilê toya nemir
Wa bextî ma hera kir
Mi ra ver memir
Dilo en rind
Dilî biran
Efendî!

Hewêkîna biêse ma ra
Sîya nusîya çara
Birîne xidar a
Vilê en rind
Vilê bexçan
Efendî!

Dayikan çaqeyî kuwey
Bawikan sîneyî kuwey
Xuertî şî serî koy
Hesrê yaran
şehîdî daran
Efendî!

Bejnê toya tîr
Kewtbî mîyan adîr
şî cayêkî dûrî
Oxir bo to rî!
Oxir bo to rî!
Efendî!

Hevalî pêxamberan
Roşnîyê aşman
Wa risîya bo dişmen
Ristimî tûba
Dewijî kuba
Efendî!

Qertalî Koyê şêmî
Esparî Pîranî
Ey pîrî şêxan
Ti kewtî ma vîr
Ti kewtî ma vîr
Efendî!