Ez Stokholm Di Mazî Geyrena

Hetî ra
ez ha Stokholm di, Sergelstorg di;
jetî ra koyanê ma ra
Malmîsan di, Gomey di
Mazîyan geyrena.
Ena estanekî nîya,
rîppi nîya,
û ne ki
Stokholm weş nîya,
Hûmay esto.

Qecekeya mi, mi vîrî kewena
bêhemdê mi,
kam gama ki ez qecekanê Swêdijan vîynena.

Bêhemdê min o
keynekê me yenê mi vîrî
binê derzan di.
Ne ki keynekê Swêdijî rind niyê,
Hûmay esto.
Ez ki keynekanê milaketinanê
Swêdijan vîynena
lem bi lem ez mazîyan geyrena,
pêlekê mi, mi pol di,
lewê mi pulisiyayey teyşaney ver.
Qecekeya mi yena mi vîrî.
Qecekey tanî niya.
Hinda vatişbê Freud`î nêbo zî
qecekey tanî niya,
qecekey fek vejiyêna.