Bixwînin Bi Şev û Rojan

Hatin wa şêx û axên me
Gotin em birê hev in
Em bi jina bûne mer e
Zarokên me ji hev in

Me wan kirin mamostê xwe
Em jî şagirtên wan
Lê wan em bi şûn de hiştin
Hiştin bê ilm û ziman

Welatê me dewlemend e
Tev maden û xizne ye
Tevî Turk û Ecnebiyan
Çavên wan tê de heye

Bila xelk me nexapînin
Hûn xwenda û zana bin
Bixwînin bi şev û rojan
Xwedî ilm û ziman bin

Ji me kuştin bi hezaran
Çi xayîn û dijwar e
Gava keniya li rûkên me
Me go qet dost û yar e