Mîna Min

Min têra xwe bajar û bajarok dîtin
Hinek ji wan dişibiyan xewnên min;
Rengereng û kemberzivîn.

Min gelek çem û robar dan ber bayê xwe
Hinek ji wan dişibiyan min;
Delodîn, diltenik û bejinzirav.

Min gelek mrov nasîn
Tev dişibiyan welatê min
Sîngesmer, zarşîrîn û bi birîn.

Min gelek demsal şopandin;
Bêhtirîn wan
Baskên xwe dîyarî azadiyê kiribûn
Mîna min.

Xewna Dawî, Lîs, 2016, r.,69