Însan

Însan,
Di her xalê de hezar xal veşartî
Di her nuqutê de derya hinartî
Di her hêstirekê de çem nepenî ye…
Însan,
Ne tenê xwîn û hestî ye
Herwiha tofana ‘ewrên hestan
Derîyê kanîya stranan e…
Însan,
Ne tenê mu’emmayek e
Herwiha
Mulemma, lem’a û şû’a
Sî, axîn û bawerîya heyatê
Bizotê şevên bi şebçeraxan e
Însan,
Erê dilopek ji xwînê
Lê di hundirê xwe de
Gola masîyên gerok
Geremolên tevlihev ên dinyayî
Û ‘ewrên tijî baran û berf û zîpikên esmanî ye…
Însan,
Ne tenê li ser lingan e
Muhteremê berê
Muhteşemê niha
Muşexxesê jîyana sibehê
Muşterekê girêdayî bi du ‘aleman e…
Herwiha…