Kê Navên We Ji Bîr Kir?

"îro peyvên min çi li xwe ke tazî dimîne. Ax!
Mirin têra her kesî dike, lê bi tere jîn firek av e"

Tîr dibûn ji xwînê
Zarokên ku desmala bê li ba dikirin
çend hezar car hatine kuştin
Payîza dilê min, çend sal çê bû?

Lawikên ku di şerî de îro wêne
ji navên we re nameyên bêrîkirinê dişînin

Ez leşkerekî Medî me
Di sengerekê de, ker sekinîme

Keçikên ku ji heyvê bedewtir, ji avê zelaltir
darbestên xwe, bi melodîyên hêvîyê re bar dikin
Kezîyên baranê, tav ziwa nake
Rê ji şûrî, xwînê vedixwe

Keçikên ku di şerî de îro wêne
ji navên we re nameyên bêrîkirinê dişînin

Ez leşkerekî Medî me
di sengerekê de, ker sekinîme

Lawên wan
Keçên wan
Li wan deran