Nalley Pîrî Pîran (3a)

Xuwaye! Be xîred rêm pê nebirdî
Pîrêjnane birrwam pê kirdî

Diway ewey zanîm kewa to Xuda yî
Bo bêkes kes î û bo damaw pena yî

îtir zor wirdî naxwênimewe
Destrazey hîkmet nahonimewe

çunku pêxember ‘eqllî kulî bû
Keçî le rast to ‘eqllî kullî bû

Qabe qewseynî ew edna ledeyk
Fermûy: La uhsî sena’en ‘eleyk

Namewê kunhî zatit bizanim
Le bizurgît da mat û heyran im

Bellam emewê be sozêkî ‘eşq
Xoşewîstîy tom bibê be sermeşq

Sermeşqî ‘eşqî penhanî wa bê
Kes pê nezanê û tom le dilla bê

Ew sengteraşey le kêwî Tûr bû
Be ‘eşqî towe le ‘alem dûr bû

Eygut: To were lam be mîwanî
Eçû le lay şiwan şîrî dehanî

Hîç nebê nallêm wek min newsin î
Eyişzanim dayim mîwanî min î

Ye’nî hazir î hemîşe le lam
Bellam min bo newis le to tewellam

Tuxwa to herçend ke lamekan î
Ke bo xaney dill teşrîfit hanî

Fermû heç kesî tiya ye ba hestê
Noker çon le lay axa ewestê

îza ca’el heqqu zeheqel batîl
Zaxawî dillî pê debê hasil

Ew zewqey nûrî me’rîfet eyda
Gencîy rûy zemîn pêy nabê peyda

Yaxuwa be badey ‘eşqit serxoş bim
Ta eçime jêr xak mest û medhoş bim

Min ke le zewqî dinya mustexn îm
îtir be lîqay meylî to dejîm

Kes le qapî to na’umêd nabê
Ba em hacetey minîş rewa bê