Remayoxê Ziwanê Xo

Her kerra koyê xo rê xeml a
Ey yara raştikêne ti ha ça?..

Her çekuye rûhê mi rê rîsalet
Her çekuye welatê mi rê leteyêk
Her çekuya ke tahmê aye
serê ziwanê bapîranê mi ra yadîgar
û her kelam latê destanê zemanî ra cewherêk
Ax merdim ser a biremo zî maneno welatê xo!
Wa asmên birijino mi ser verara xo ra
weşe bi weşe şênikan
Mîyanê zerrîya mi de hawarêko diçetel
û mi zerrı devista abîyayîşê vilikan...

Ey remayoxê ziwanê xo!
-Na sanike nîya ka ez vana-
Sond bo bi mergê mi û bi rojhilatî
Hee deyîra ke to xo dima verdaya sêwî
Mîyanê zerrîyêka xezalêne de eşq bî
Her dere vengê to ra hrikîyayêne
û seyêra miradan berzexê to de ya, ey xerîb

Ey fîrarê vengê xo!
Her pirdo ke ti raşanê
Janê şikîyayîşê estikan de
Boya çekuyan ano goristanan ra...
(Mi goş nayo vengê abîyayîşê vilikan ser
Zeman ey royêkê harî herikêno destanê mi ra
û her keso ke kokê xo ra aqitya, meşrû nîyo êdî!.)

Ey firar!
Wa sond bo bi araf
Sond bo bi hesreta zerrîya ziwanî
Ti ser a biremî
To dima şingînîya zincîra zewtan!.. (10-12)