Sîtava Morîka Şîn

wekî sewtek bi şewat
a tenê nifir di destan de mabe,
şîna miriyekî neşûştî dikişînim
loma bila keziyên min
ên bi barana payizê hatine şûştin,
bê kefen veşêrin,
di nava sîtava morîka şîn
a di stûyê xezebê de
bila niqirîskên rihistîn, qasî kîna dilê min
helal û zelal be
lê bila gunehên min, neyên wezinandin
di mêzîna heq û neheqiyê
ya di bin tava berêvarê de,
zingarî dibe.

*Ji pirtûka wê "Tilîya Qereqûçkê" r: 22
*Bi destûra helbestvanê ye.