Deyn Dike Ji Rûyê Te Hîv

Deyn dike ji rûyê te hîv û roj şuleyê nûr
Ji zulfan şermende ye tûncik û keziyê hûr

‘Erzz' neke canê min xunçeyê dev ra bi gul
Ta ku nebe her wekî bulbulê şeyda bi şûr

Ger bibîne baxzvan bejna te yê nazenîn
Dê çewa bê ‘eqlê wî serwê rewanê stûr!

Wê çewa dûr be ji min ‘işqa te yek lehzekê
Kesî diye ji ‘erez cewher be lehzekê dûr

Bulbula min purs kirî ji pîrekî, çî ye ‘işq?
Gotî ew e Suleyman, ‘eqil li bal wekî mûr

*Ji dîwana wî Derdê Welat, r: 122, 2018, Nûbihar