Nîne Kes Ra

Nîne kes ra ji kemendê serê zulfê te xelas
Dikujî ‘aşiqê miskîn û natirsî ji qesas

Aşiqê dilperitî ger nekeve çola fena
Nabe ew qet di herîmê şahê ‘işqê ji xewas

Awirê çavê te yê mest bir ji Rustem Zalê dest
Zulfê te kêşa kemendê sed wekî Se‘dê Weqas

Bi hewadarî û îxlas wekî perwane eger
Tu nesojî ji xem û derd û kulan nabî xelas

Kîmiyayê xemê ‘işqê dike axa bedenê
Zerrê xalis, gerçî bûye paxir û ax û risas

*Wezn: Fa'ilatun / Fa'ilatun / Fa'ilatun / Fa'ilun
*Ji dîwana wî Derdê Welat, r: 107, 2018, Nûbihar