Weqtê Eyşê û Cam e Saqî

Weqtê ‘eyşê cam e saqî kar û bar
Hêvîdaran ra nehêl der întizar

Ji xiyala gulê rûyê tu meger
Deşta singê min bûye gulzarê yar

Ji wê roja ku bibûm mensûrê ‘işq
Bendê zulfê te kişand dil ra bi dar

Bêna gul têtin ji doşek her seher
Lewra her şev bo xiyalet der kenar

Dil neke ji çûna meyxaneyê teng
Lewra bo van dînê ‘işqê nîne ‘ar

Bulbul bona hatina qasid ji rê
Çav wî maye li ser rê bendewar

*Ji dîwana wî Derdê Welat, r: 122, 2018, Nûbihar