Kesk û Sor û Şîn û Zer

Kesk û sor û şîn û zer, narencî û mawî û reş
Sef bi sef seyran konan, tên dilberanê mahîweş

Wek di nîsan rengereng, çîçek vebin der murxîzar
Muxtelit bûn têk di çîmen leşkerê Rom û Hebeş

Sed hezar Leyla û Şêrîn û Zuleyxa der xiram
Çeşmê şehla, serwî-bala, xunce-dêm elfazê xweş

Dîn û dil yekser ji min bir van şêrînan bê futûr
Ey gelo qat’i terîqen ev perî rûyan guleş

Dil yek e, dilber hezar in mam teheyyur el eman
Bidme kê meyla evî qelbê birîndar î nexweş?

Mislê perwîn e sema cem in di çîmen lale-rû
Fewcefewc in der temaşa heft û heyşt û pênc û şeş

Çunkî ev dilber gulê cûr in di gulzarê cemal
"Rûhî"ya wek bilbilan her dem bibe efxanî geş 

*Beser: çav; Eflak: felek, ezman; Hirqet: şewat; Murxîzar: hêlîn, ciyê teyran; Xiram: evîn, meşa nazenîn; Fewcefewx: Pêl bi pêl

*Deşîfrasyon: Xendekî
*Ji pirtûka "Dîwana Rûhî", weşanxaneya Belkîyê