Megrî Êvar

tu bigrî wê kor bibe Elsa
Zadîna nema distrê
hew dilore Lorena, megrî
ji çavan meke Fata Hewê
jixwe hew maye bi ferekê -reşêşk reşêşk

tu bigrî wê roj bigewime li Qahîreyê
Newal wê por kurr bike bi ser Nîlê de
Helbest bê Sylvia, Virginia bêsî bimîne wê
wê bi Xweh bibe mirin, tu yê bimînî bê Dê

tu bigrî Tofana qewmê min e
ez ê bi xwe vedim -dûpişk dûpişk
wê bimîne bêxwekuştin keçeke Batmanî
kêm dibim ji dinyê -jixwe bêwelat im Êvar

tu megrî, min kêm meke ji xwe
jixwe ne tu me bi tûmerî, li yekî kaînatê

23 sibat ‘07
mêrsîn