Navê Me

rûyê min li xwe dibirre, rê
dûr lê diçe ava
ev hêl lahît e û ev şeva kavil
gul e, genim e li dêst -li mistê masûr
kêr sorê disû, qursikek diare bi têlê

sînor -li navê me tê
û ax -li tebaxê

...
-wextek bû
li çiyê ket peşka gulan
pişka me li gulleyan ket
em bi d‘awa çiyê ketin
em ji dawa qereçiyê ketin-

û wê wextê rext û tiving bû
-mêranî dermale
me firarî ajot nîrê şevê
mirin ma deq li eniya qewmê çiyê

-tarîxê ev nenivîsî-

gulan-tebax ’05
mêrsîn