Agirê Derdê Te Îro Sotime

Agirê derdê te îro sotime wek piperîk
Awiren wan herdû çavan dil vekirne sed birîn
Sed derî dadan li ber min ta ku nefhêm dilberê
Qet min nikarî bû vekim ez li ber xwe yek derîk
Min di destê gulfiroşan dî gulek rûgeş biken
Mal û can da bihayê, sorgula geş bê şirîk
Min nizanî ku li hawêr wê hene xar û kelem
Bûye çil sal ku bi wî xarîve ez mayim xerîk
Min dixwest ez bîn bikim wê sorgula nazdar û geş
Lê ji destê min revandî sorgula min ser serîk