Kolleksiyon 22

Kolleksiyona 22`em, li talanê, biharî
Ev çirûsk, ji çirûsîna elektrîkê ya ku li ser laşekî
diperpite hatiye berhevkirin,
Di tahma êvarên bêevîn û di bêhna baranên bêbihar de ye

û pez nehiştin
û rez nehiştin
û kon nehiştin
û mihîn jî nehiştin
û bilûr fetisandin
û qirikên dengbêjan kêrkirin
û berxikên şivanan xeniqandin
û satilên berîvanan pelixandin
û çûn...

Belê, me baş dizanîbû,
Lê belê, wan nizanîbû ku şûrê me yê azadiyê
Her ku diçû bi êşan tûjtir dibû!...