Hekîmo Bextê Teme

Kulekî wisa di nava dilê min de heye’
Hekîmo bext ê teme,
nêştirê lê nexe’ wî derneke.
Wê êş û elema bê kesîyê,
û bê welati`yê jê derbibe.

Kesera xerîbiyê,
nahêle ew birîna dilê min bi kewe .
Ax halê bê Welatiyê,
ez bûme xwediyê derd û kula.
Êşeka wisa giran,
dinava serê min da heye
Hekîmo bext ê teme,
xençerê lê nexe wî derneke.

Wê derd û kulê penaberyên,
û belengaziyê jê derbe.
Ji ber jana bê welatiyê,
dilê min bûye çar perçaye
Ax halê bê dewletiyê,
ez bûme hêsîr ê li çola.
Janekî wisa pir û giran,
li ser welatê min heye
Bextê teme hekîmo,
şûr lê nexe wî birîn nek.

Wê derdê xayintiyê,
û koletiyê jê biherike
Êşa wî ji Rojhilat bigre,
çûye heta Rojava ye
Ji Bakûr da dest pêke,
heta Başûr têda maye
Ax halê bê warbûnê,
bûme mirîyê gor û kêla.

Îxanetê û cehaletê ew kirye
sifra gur û hirçan, û çeqela ye
Xwîn û goştê me dixun,
bi destê xayînên nav meye
Ji halê bê Seroktiyê,
nahêle ew birîn bi kewe
Ax halê bê welatiyê,
ez bûme koçerê nav hola.

11/03/2016, Stenbol: