Nasname

Nasnameya min di devê min de
Derya min a fikr û tesewirê
Hişê min jê hêzê distîne
Bilindî û kûrî pê
Teşe didin pêlên fikrê.

Nasnameya min di devê min de
Dayina dê û bavê min
Ne pasaport e ku bê çirandin
Ne kaxiz e ku tu bavêjî
Nasnameya min di devê min de
Kes nikare bistîne ji min

Zimanê min î şîrîn û nazik
Zimanê min î çoris û tûj
Nasnameya kesîtiya min
Nerm e geh, geh bi girrik

Nasnameya min di devê min de
Zimanê min î bav û kalan.

*Ji Milkê Evînê