Rasterast

Bi stran û bi dîlan wer dîwanê rasterast
Ew in bizota mayin û jiyanê rasterast

Li benda te rê dipêm ku du mijûlî bikin
Bi rêkûpêk bi edeb bi erkanê rasterast

Periyên Dîcle w Firat rastûçep reqsê dikin
Wilo divê reqsa wan ne b` vê manê rasterast:

Ku em jî fetl û çiva bidin ber xwe, negihên
Tu armanc û qûnax û tu ramanê rasterast

Ku em xwe wekhevê hev bibînin û dest pê kin
Dê nemîne tu asteng li meydanê rasterast

Ne tenha gul û beybûn an sosin û binefş e
Divê her gul, gulçîçek li bûstanê rasterast

Bişên bijîn û vebin, bê xeter û serfiraz
Mebest ev in ji jîna li cîhanê rasterast

*Ji Milkê Evînê