Çiyayê Gabaro

Çiyayê Gabaro, çiyayê Gebaro
Ax tim bi derdo, bi kul û hawaro
Tu ji xwe re bike piştî û baro
Ema ne bê cî mane bêwaro

Xewa min nayê, xewa min nayê
Serê min têşê ji derdê dinyayê
Birîna me kûr e derman lê nayê
Kula şehîd Egîd ji dilê me dernayê

Çiyayê Gabaro çiyakî bilind î
Tu wê hêlîna şêr û piling î
Çiyayê Kurda yî, bi nav û deng î
Çima bindest bî, ta heya kengî?

Hêsirê çava bes bibarîne
Kulê miletê Kurdan birîn e
Lingê neyara li ser xwe hilîne
Kêfa dijmina li ser me neyne

Tu roniya çavê me Kurda yî
Tu hêrs û xofa van dijmina yî
Ji Egîda re rê û dirb veke
Dijminê xwe re mezela çê ke.

Gotin:Şerîf
Muzîk: Aram Dîkran